Bókaverslun í sérflokki

Bóksala stúdenta er eina bókaverslun sinnar tegundar á landinu. Meginmarkmið hennar er að útvega stúdentum við Háskóla Íslands kennslubækur og önnur námsgögn á sanngjörnu verði. Þá sinnir Bóksalan fleirum en stúdentum við Háskóla Íslands og þjónustar alla háskóla landsins, fjölda framhaldsskóla og ýmsar stofnanir svo nokkuð sé nefnt.

Bóksalan útvegar öll helstu fræðirit og handbækur sem háskólamenn og háskólamenntaðir sérfræðingar nota. Verslunin er staðsett í Háskólatorgi en allar vörur má einnig finna í vefverslun Bóksölunnar. Þar er að auki fjöldi annarra bóka sem og rafbækur, en einnig er hægt að sérpanta bækur hvaðanæva úr heiminum.

Bókakaffi stúdenta er staðsett í Bóksölu stúdenta. Þar boðið uppá gæðakaffi og nýbakaðar kökur á stúdentaverði. Kaupfélag stúdenta er einnig staðsett í Bóksölunni. Þar fást ýmsar gagnlegar og skemmtilegar nytja- og gjafavörur sem heppilegt er að geta gripið í leiðinni.